11.02.2009 Қорытынды кеңесі
11 февраля 2009. Разместил: admin
Ағымдағы жылдың 11 ақпанында ішкі саясат басқармасының 2008 жылғы жұмыс қорытындысы бойынша кеңес өткізілді. Кеңес жұмысына қалалар мен аудандар әкімдерінің әлеуметтік және қоғамдық саяси мәселелер бойынша орынбасарлары, ішкі саясат бөлімдерінің меңгерушілері, «Нұр Отан» партиясы облыстық филиалының, «Жас Отан» жастар қанатының, «Шығыс ақпарат» медиа-холдингінің, облыстық телеарнаның, әділет департаментінің діни жұмыстарды қадағалайтын қызметкерлері, Шығыс Қазақстан халқы ассамблеясы, облыстық кәсіподақтар ұйымдары, студенттіқ құрылыс жасақтары өкілдері, талдау және болжау институты, ішкі саясат басқармасының ұжымы қатысты.
Баяндамалармен сөз сөйлегендер:
Ішкі саясат басқармасының бастығы - Б.Х. Зәкәриянова «Шығыс Қазақстан облысы ішкі саясат басқармасының 2008 жылғы жұмыс қорытындысы және 2009 жылғы міндеттері туралы»;
Семей қаласы әкімінің орынбасары - Т.Ж. Мүсәпірбеков «Семей қаласы әкімдігінің ішкі саяси тұрақтылықты қамтамасыз ету бойынша жұмысы»;
«Шығыс ақпарат» медиа-холдингінің директоры - Ж.Ә. Әділбаев «Ақпараттық саясатты мемлекеттік медиа ресурстар арқылы жетілдіру туралы»;
Талдау және болжау институтының директоры – О.В. Чернышов «Талдау және мониторинг институтының зерттеушілік, сараптамалық қызметін жетілдіру туралы;
Өскемен қаласы ішкі саясат бөлімінің меңгерушісі - Б.Р. Бакинова «Өскемен қаласындағы азаматтық қоғам институттарымен қарым-қатынас жасау тәжірибесі туралы»;
Бесқарағай ауданы әкімінің орынбасары - Қ.Б. Түсіпжанов «Бесқарағай ауданында ақпараттық – насихат жұмысын ұйымдастыру: тәжірибе және жетілдіру жолдары».
2009 жылғы ішкі саясат саласындағы өзекті міндеттер мен жұмыс бағыты туралы облыс әкімі Ә.С. Бергенев сөз сөйледі.
Кеңес жұмысы қорытындысы бойынша хаттамалық шешім қабылданып, қалалар мен аудандарға жолданды.