13.10.2010 Өндірістік өнеркәсіптің ашықтық бастамалары деген не?

       Өндірістік өнеркәсіптің ашықтық бастамалары (ӨӨАБ) деген не? «Жергілікті деңгейде Өндірістік өнеркәсіптің ашықтық бастамаларын жүзеге асыруға қолдау көрсету» деп аталған семинарға шақырылғандар арасынан осындай сұрақ қойғандар табылып жатты. Біздің өңірде бұл тақырыпқа бұған дейін де бірнеше мәрте іс-шаралар өткізіліп жатса да, осындай сұрақ мазалайтындар саны әлі де азаймаған болар.
        Семинарды Еуропалық комиссияның қолдау көрсетуімен «Эхо» қоғамдық бірлестігі өткізді. Оны «Мұнай табысы қоғам бақылауына!» ҮЕҰ коалициясының үйлестірушісі Светлана Ушакова жүргізді.
       Өндірістік өнеркәсіптің ашықтық бастамалары табиғи қорларға бай елдердегі компаниялардың төлемдері мен үкіметтік төлемдерден түскен табысын толықтай жариялау және оны бақылауға бағытталған. Мұнай, газ және табиғи минералдардан түскен пайданың ашықтығы кедейлікпен күрсеуге тамаша жағдай жасайтыны анық. Бүгінгі таңда Бастаманы бірқатар Еуропа, Азия, Америка және африка елдері қолдап отыр. Қазақстан 2005 жылдан бастап қабылдады.
       Отырыста Бастаманы Қазақстанда және жергілікті деңгейде енгізу, валидация үдерістерінің мәселелері талқыланды.
       Бір қызығы сол, семинарға үкіметтік емес ұйымдар мен Үлбі металлургиялық зауытының өкілі ғана қатысты. Мемлекеттік органдар мен өзге өндіруші өнеркәсіп өкілдері қатысудан бас тартты. Мәселе неде? Бәлкім олар бастаманы өңірімізде ілгерілетуді қаламайтын болар? Мүмкін. дегенмен, біздің өңірде бастаманы жүзеге асыруға бағытталған бірқатар іс-шаралар қабылданып қойған. Мәселен, ШҚО Қоғамдық кеңесінің жанынан жұмыс тобы құрылды, «Мұнай табысы қоғам бақылауына» коалициясына кіретін үкіметтік емес ұйымдардың атсалысуымен түрлі шаралар өткізілуде. Бірінші қадам жасалып қойған. Ендігі арада бастаған істі өзінің оңды нәтижелеріне жеткізу қажет.

Другие новости по теме:

25.01.2011 ӨӨАБ сұрақтары бойынша дөңг ...

13.05.2011 Қоғамдық кеңес: халық мүдде ...

07.06.2011 Қоғамдық кеңестің тұраu ...

2011 жылы үкіметтік емес ұйымдармен өзара іс-қимыл

11.04.2011 Орталық жайлы

Просмотров: 428 | Категория: Главная | Распечатать