«Ұлтаралық және конфессияаралық келісім –

Қазақстандағы тұрақтылықтың негізі»

халықаралық ғылыми-практикалық конференциясы

2008 жылдың 12 наурызы           С.Аманжолов ат. ШҚМУ-нің 5 ғимараты сағат 10.00

Ұйымдастырушылар: Шығыс Қазақстан облысының әкімдігі, «Нұр Отан» ХДП Шығыс Қазақстан облыстық филиалы, Ішкі саясат департаменті, Шығыс Қазақстан халқының кіші Ассамблеясы, Талдау және болжау институты, Д.Серікбаев ат. ШҚМТУ, С.Аманжолов ат. ШҚМУ, Семей қ-сы Шәкәрім ат. университеті.

Қатысушылар: Қазақстанның, Ресейдің, Белоруссияның ғалымдары, «Нұр Отан» ХДП партиялық активі, ШҚО қалалары мен аудандары әкімдерінің орынбасарлары, Қазақстан халқы Ассамблеясының мүшелері, ҰМО мен ҮЕҰ басшылары. <!--

Мақсаты: атқарушы органдардың, «Нұр Отан» ХДП партиялық ұйымдарының, кіші Ассамблеяның аймақтағы ұлтаралық және конфессияаралық келісімді нығайту жөніндегі жұмысын жетілдіру бойынша ұсынымдар жасау.

Ұлтаралық, конфессияаралық және рухани келісім тәуелсіз Қазақстанның басты стратегиялық жетістігі, біздің алға басуымыз бен гүлденуіміздің негізі болып табылады.

Былтырғы жылы Елбасы Н.Ә.Назарбаевтың бастамасымен жасалған реформаға сәйкес ұлтаралық келісімнің бірегей институты, Қазақстан халқының Ассамблеясы конституциялық мәртебе алды, қазір елдің жоғарғы заң шығарушы органы - Парламентте оның өкілдері бар.

Біздің облыс 15 жыл бұрын Шығыс Қазақстанның кіші Ассамблеясы және Достық үйі ашылған республикадағы алғашқы аймақ. Қазір Ассамблеяда республика аумағында достық пен келісімде өмір сүріп жатқан 105 этностың мүддесі көрініс табады; ол 50 ұлттық-мәдени орталық пен 4 Достық үйін біріктіреді. Олардың барлығы ұлтаралық келісімді үйлестіру, қоғамдық келісімді нығайту, мәдени дәстүрлерді жандандырып, дамыту жолында табысты жұмыс істеуде.

Пленарлық отырыста демократиялық, құқықтық мемлекеттің қалыптасуындағы басты факторлардың бірі ұлтаралық және конфессияаралық келісім; Қазақстан мен Ресей халықтарының байланыстарын дамыту; интеллектуалды жастарды тәрбиелеу жөніндегі Қазақстан Республикасының тілдер саясаты және т.б. мәселелер талқыланады.

Түстен кейін конференция жұмысы секцияларда жалғасады.