30-сәуірде Қазақстан халқының бірлігі күні қарсаңында Өскемен қаласы
әкімдігінің конференц-залында «Нұр Отан» халықтық демократиялық
партиясының бастамасымен және Президент әкімшілігі мен Қазақстан
халқының Ассамблеясының қолдауымен этномәдени бірлестіктердің «Келісім.
Ынтымақтастық. Тұрақтылық» республикалық конференциясы өткізілді.
Конференцияның пленарлық мәжілісіне «Нұр Отан» Халықтық Демократиялық
Партиясының хатшысы Қарин Ерлан Тынымбайұлы, Қазақстан халқы
Ассамблеясы төрағасының орынбасары Свинцицкий Виталий Зифридович,
Қазақстан Республикасы Парламентінің Мәжіліс депутаты Вишниченко
Валерий Георгиевич, Мемлекеттік тілді дамыту Президенттік қорының
директоры Әбдіғалиев Берік Бақытұлы қатысты.
Конференция жұмысына Шығыс Қазақстанның қоғам өкілдері: саяси
партиялар, үкіметтік емес және жастар ұйымдары, діни бірлестіктер,
кәсіподақ ұйымдары, ардагерлер активі, бұқаралық ақпарат құралдары да
қатысты.
Облыс әкімі Бердібек Сапарбаев бейбітшілік пен келісімді нығайтуда,
қоғамдық-саяси тұрақтылықты сақтауға қосқан жемісті еңбектері үшін 4
Достық үйлерінің жетекшілеріне «Ұлттық-мәдени салт-дәстүрлерді сақтап
және дамытып, ұлтаралық келісімді нығайтқаны үшін» сыйлығын тапсырды.
Конференция жұмысының лайықты жалғасы ретінде дәстүрлі «Бір шаңырақ
астында» облыстық форумы өткізілді. Онда республикалық делегацияның
Шығыс Қазақстан халқы Ассамблеясының этномәдени бірлестіктер
жетекшілерімен, журналистермен кездесуі, Ассамблея мүшелеріне куәліктер
табыс ету, мерекелік концерт өткізілді. |
