Елбасы Н.Назарбаевтың студент жастарды әлеуметтік қолдаудың дағдарысқа қарсы бағдарламасын дайындау жайындағы бастамасы Шығыс Қазақстанның барлық өңірлік жоғарғы оқу орындары тарапынан толықтай қолдау тапты.
Мемлекеттік дағдарысқа қарсы шараларды іске асыру аясында, облыста, оқып жүрген жастарды қолдау бойынша ауқымды жұмыстар атқарылуда. Мысалы, оқу ақысын төлеудің икемді жүйесі қолданысқа енгізілді, үздік оқитын студенттерді көтермелеу қарастырылған, әлеуметтік әлжуаз санаттағы студенттерге ЖООның шәкіртақылары тағайындалған, атаулы материалдық көмектер көрсетіледі.
24 ақпан күні Д. Серікбаев атындағы ШКМТУ-да, студенттердің сол университеті ректоратымен, мемлекеттік органдардың және 2-ші деңгейдегі банк өкілдерімен кездесуі өтті. Елбасы Н. Назарбаевтың тапсырмасы бойынша Үкіметтің оқып жүрген жастарды қолдау туралы қабылдаған шаралары, сондай-ақ республикалық дағдарысқа қарсы бағдарлама ережелері туралы түсініктер берілді. Іс-шараға «Альянс-Банктің», «БТА» банкінің, ХДП «Нұр-Отан» филиалының, ішкі саясат, ішкі істер басқармаларының өкілдері, ЖОО-ның профессорлық-оқытушылар құрамы мен студенттер қатысты.
Кездесу қорытындысында ШҚМТУ студенттерінің Қазақстан студенттеріне арналған үндеуі қабылданды. |
