2009 жылғы 15 қаңтарда Шығыс Қазақстан облысы әкімі Ә. Бергеневтің  төрағалығымен Қылмысқа қарсы күрес жөніндегі үйлестіру кеңесінің кезекті отырысы өтті. Онда өзекті мәселелердің бірі: студент жастар арасындағы құқықбұзушылық пен қылмыстың алдын-алу мәселесі қаралды.

Отырысқа Білім және ғылым министрінің кеңесшісі В. Жексенбекова, облыс әкімінің орынбасары А. Тәженов, Ішкі істер департаментінің бастығы А. Жалмұхамбетов, «Нұр Отан» ХДП облыстық филиалының хатшысы Т. Ибраев, облыстың жоғарғы оқу орындары мен орта арнаулы оқу орындарының басшылары, үкіметтік емес ұйымдардың өкілдері қатысты.

Кеңес қорытындысы бойынша жастармен мақсатты жұмыстар жүргізуде  атқарушы органдардың, оқу орындарының және үкіметтік емес ұйымдардың күшін біріктіру туралы шешім қабылданды. Жоғарғы оқу орындары мен орта арнаулы оқу орындарының басшыларына оқу орындарында студент жастармен заңға қарсы әрекеттері үшін жауапкершіліктерін түсіндіру және құқықбұзушылық пен қылмыстың алдын алу бойынша жұмыстарды күшейту ұсынылды.