2008 жылдың наурыз айынан бастап «ШҚО талдау және болжау институты» ЖШС базасында «Жаңа әлем жастары» газеті шығарылып отыр, оның меншік иесі «Ұлағат» жастар қоғамдық бірлестігі болып табылады. Газеттің таралымы 1500 дана, облыс аумағында тегін таратылады.
Газет беттерінде жастардың аса өзекті мәселелері, оларды шешу жолдары жарияланып отырады.
Газетте тұрақты түрде өңірдегі азаматтық қоғам дамуы туралы мақалалар жарық көріп отырады. Үкіметтік емес ұйымдарының, жастар ұйымдарының және т.б. қызметтеріне қатысты мәселелер көрініс тауып отырады. «ШҚО талдау және болжау институты» ЖШС сарапшылары жүргізілген әлеуметтік зерттеулердің негізінде облыста болып отырған жағдайларға қатысты түсіндірулер береді.
Жастарға арналған мемлекеттік тілде шығатын тұңғыш әрі жалғыз «Жаңа әлем жастар» газеті бүгінгі таңда мемлекеттік тілдің дамуына және оның жастар арасында кеңінен таралуына белсенді түрде атсалысады.
